Orxan Məmmədov

İcraçı Direktor

Məmmədov Orxan Natiq oğlu 1994-cü ildə Gəncə şəhərində anadan olmuşdur. Gəncə şəhəri 40 №-li tam orta məktəbi “Qızıl Medal” və “Fərqlənmə attestatı” ilə bitirmişdir. 2012–2016-cı illərdə Gəncə Dövlət Universitetinin İqtisadiyyat və idarəetmə fakültəsinin İqtisadiyyat ixtisası üzrə bakalavr pilləsini “Fərqlənmə Diplomu” ilə başa vurmuşdur.

2016–2018-ci illərdə Gəncə Dövlət Universitetinin Magistratura şöbəsində İqtisadiyyat ixtisası üzrə magistr təhsili almış və bu mərhələni də “Fərqlənmə Diplomu” ilə tamamlamışdır. 2019-cu ildən etibarən Gəncə Dövlət Universitetində Ümumi İqtisadiyyat ixtisası üzrə doktorantura təhsilini davam etdirir.

2014–2021-ci illər ərzində Gəncə Dövlət Universiteti Tələbə Gənclər Təşkilatının sədri vəzifəsində çalışmışdır. 2018–2019-cu illərdə GDU-nun İnnovasiyalar Departamentində marketoloq, 2021–2022-ci illərdə isə “Kapital Bank”ın Gəncə Kart filialında Mikro Biznes kreditləri şöbəsində fəaliyyət göstərmişdir. 2021–2025-ci illər ərzində GDU Tələbə Evinin direktor müavini vəzifəsini icra etmişdir.

Hal-hazırda “Rövşənoğlu Holding”in nəzdində fəaliyyət göstərən Oscar-Az MMC-də direktor vəzifəsində çalışır.